Nei ynhâld Nei menu

Fan kennismeitsjen nei live

Meidwaan mei Gem kin yn fjouwer stappen.

Jo krije Gem daliks folslein: alle ynhâld, funksjonaliteiten en techniek dy't de gemeenten de ôfrûne jierren ûntwikkele hawwe. Plus in buddygemeente dy't jo op wei helpt. En jo steane der nea allinne foar.

De rûte yn ien eachopslach

Gemiddeld 4–6 wiken

  1. Stap 1 Kennismeitsje
  2. Stap 2 Meidwaan
  3. Stap 3 Ynrjochtsje
  4. Stap 4 Live
  5. En dan Ûntfang in taart!

Meitsje kennis mei Gem

Sjoch, harkje en stel al jo fragen.

In kollega fan in dielnimmende gemeente lit sjen hoe't Gem yn de praktyk wurket. Jo hearre de ûnderfiningen út earste hân en ûntdekke wat oansluten foar jo gemeente betsjut.

Wat bart der by in kennismakking?

Jo binne al begûn troch dizze webside te besykjen. Wy fertelle en litte jo graach folle mear sjen oer ús ûnderfiningen en ekspertize mei de firtuele assistint. Kosteloas en belangeleas: wy binne gemeente-kollega's foar gemeente-kollega's.

Dêrnei sprekke wy in presintaasje ôf. In kollega fan in al dielnimmende gemeente jout dy oan jo en jo relevante kollega's, sadat elkenien dy't deroer meitinkt alles freegje kin wat hy of sy witte wol.

Plan in kennismakking

Doch mei oan de gearwurking

Jo hoege it tsjil net opnij út te finen.

Meardere gemeenten gongen jo foar en diele graach harren oanpak en memo's foar jo ynterne beslútfoarming. Dêrnei slút jo gemeente offisjeel oan by de gearwurking.

Wat wurdt der krekt tekene?

De tekenbefoegde kollega fan jo gemeente tekenet mei in addendum yn op dielname oan de gearwurking mei de Gem-gemeenten. Dat addendum wurdt ek tekene troch de VNG, út har rol as stiper fan de gearwurking. Dêrmei nimt jo gemeente offisjeel diel oan de Gem-mienskip.

Jo krije Gem daliks folslein: alle ynhâld, funksjonaliteiten en techniek dy't de gemeenten de ôfrûne jierren ûntwikkele hawwe, binne fuortendaliks foar jo gemeente beskikber.

Rjochtsje Gem yn

Tegearre meitsje wy Gem klear foar jo gemeente.

Jo krije in buddygemeente en geane oan de slach mei de techniek, de lokale ynformaasje, akkounts, dokumintaasje en jo wurkproses. Dêrnei teste jo Gem yn jo eigen omjouwing.

Wat bart der tidens de onboarding?
  • Wy diele relevante dokumintaasje, lykas de DPIA en de ferwurkersoerienkomst. Dy lêste litte jo tekenje troch de tekenbefoegde kollega en troch de hosting-partij.
  • Kollega's dy't mei Gem wurkje sille, meitsje akkounts oan foar de systemen en platfoarms foar it behear fan de assistint en foar de gearwurking.
  • De koade fan de widget wurdt tafoege oan jo gemeentewebside. De look-and-feel bepale jo foar in part sels.
  • Wy rjochtsje de 'efterkant' fan de assistint foar jo gemeente yn. Dêrnei folje jo sels de lokale ynformaasje oan.
  • Jo starte in koarte testperioade mei de widget en eventueel de keppeling mei it livechat-platfoarm dat jo gemeente brûkt.
  • By de ymplemintaasje yn jo lokale wurkproses wurde jo út de mienskip stipe troch in buddygemeente.
  • Jo kinne der foar kieze in ymplemintaasjemanager yn te hieren dy't dit proses begeliedt. Kontakten dêrfoar rinne fia oare gemeenten.

Gean live

Gem stiet klear foar jo ynwenners.

Jo kieze sels it momint fan livegong. Dêrnei bliuwe jo ûnderdiel fan de mienskip en ûntwikkelje jo Gem tegearre mei de oare gemeenten fierder.

Gemeenten binne gemiddeld binnen 4 oant 6 wiken live

Ûntfang in taart!

Is Gem live yn jo gemeente? Dan is dat reden om it tegearre te fieren.

Jimme regelje de oansluting. Wy regelje de taart.

Begjin mei stap 1 Bliuw op 'e hichte fan Gem