Yn petear mei ús testpanel
Mei Gem wolle wy alle ynwenners goed helpe. Dêrom wurkje wy oan in digitaal tagonklike testopstelling fan Gem, mei de namme IDA (de Ynklusive Digitale Assistint).
Wat learden wy fan it testpanel?
It testpanel bestie út minsken dy't gebrûk meitsje fan skermlêzers, braillelêsrigels (sjoch foto), oanpaste skaalgrutte, hege-kontrastynstellingen en sprek- en holbestjoering. Sy testen IDA mei realistyske gemeentlike fragen, lykas iepeningstiden, paspoartoanfragen en ferhuzingen. Harren ûnderfiningen befêstigje dat de basis fan IDA goed wurket, mar litte ek sjen wêr't fierdere ferbetteringen mooglik binne, nammentlik:
- Navigearbere struktuer yn petearen: lange petearen kinne makliker navigearber makke wurde, sadat antwurden rapper werom te finen binne.
- Ekstra funksjes better te finen: ekstra funksjes fan IDA, lykas petearskiednis en ynstellingen, waarden net altyd sjoen.
- Mear dúdlikheid oer privacy: brûkers wolle witte hokker gegevens bewarre wurde, hoe lang dy bewarre bliuwe en hoe't se petearen wiskje kinne.
- Petearen weromfine: datums en werkenbere titels kinne helpe by it weromsykjen fan eardere petearen.
- Mear tooltips tafoegje: koarte taljochtingen meitsje rapper dúdlik wat in knop of funksje docht.
- Bliuwe teste foar ferskate brûkers: de tests litte sjen hoe wichtich it is om te testen mei ferskillende brûkers mei útinoarrinnende helpmiddels en beheiningen. Elkenien hat oare ûnderfiningen!
Dizze ynsjoggen brûke wy de kommende wiken om IDA wer fierder te ferbetterjen, mei omtinken foar brûkersgemak, dúdlikheid en tagonklikheid.