Digitale tagonklikheid fan Gem by gemeenten
Mei Gem wolle wy alle ynwenners goed helpe. Dêrom wurkje wy oan in digitaal tagonklike ferzje fan Gem. Wy teste mei in brûkerspanel om de brûkersûnderfining fierder te ferbetterjen. Ferline wike dielden wy ynsjoggen út dy tests. Ûnderwilens binne wy ek begûn mei de útrol by de earste gemeente. En ek dat leveret weardefolle ferbetterpunten op dy't wy oanpakke.
Ferbetterpunten by de earste útrol
Ôfrûne wike sammelen wy in list mei lytse en gruttere ferbetterpunten, lykas:
- Stipe foar knoppen. Gem kin no mear ynteraktive knoppen sjen litte en brûke. Dit is mei sukses hifke.
- Tagonklike ôfbyldingen en QR-koaden. Wy ûndersykje hoe't ôfbyldingen, lykas QR-koaden, tagonklik oanbean wurde kinne, bygelyks fia in oanfoljende hyperlink.
- Ferbetteringen yn de technyske keppeling mei Gem. Wy wurkje oan in soepeler oansluting tusken de software fan Gem en de oare software fan de gemeenten.
- Oplossen fan werjefteproblemen wêrby't wolkomstteksten of antwurden soms net folslein sichtber binne.
- Ferbettering fan de konsistinsje yn ferskate werjeften dy'tsto hawwe kinst.
- Mear mooglikheden foar gemeenten om Gem oan te passen oan harren eigen hûsstyl, lykas kleuren en logo's.
Taart foar sertifikaat!
Om Gem digitaal tagonklik op in webside oan te bieden, binne technyske oanpassingen, tests en úteinlik sertifisearring nedich. Dat freget ynset fan gemeenten én leveransiers.
Dêrom traktearje wy de earste trije gemeenten dy't harren Gem mei sukses digitaal tagonklik én sertifisearre live bringe op in grutte taart.
Net allinnich omdat sy de earsten binne, mar foaral omdat sy sjen litte dat ynklusive tsjinstferliening yn de praktyk mooglik is.