KCC en Gem
Ôfrûne wike yn it nijs
Ôfrûne wike wie der op ynternet omtinken foar de Gem Kwartaalupdate fan ferline wike tongersdei. Ûnder oaren Digitale Overheid en de VNG pleatsten dêr berjochten oer.
Ek kaam der krityske oandacht foar chatbots. Yn dat artikel kaam ûnder oaren de gearwurking tusken chatbot én minske oan bod (alles yn it Nederlânsk).
In goed momint om neier yn te gean op de fraach: “Hoe wurkje Gem en gemeentemeiwurkers gear?”
Tûk gearwurkje: chatbot én meiwurker
It bart dat Gem in fraach noch net folslein beantwurdzje kin. Dan is der minsklike ynteraksje nedich. Dêrnjonken wolle guon ynwenners yn alle gefallen graach in minske sprekke. Yn dizze situaasjes ferwiist Gem de ynwenner troch nei in livechat, as dy by de gemeente beskikber is, of oars nei it telefoannûmer fan it klantkontaktsintrum (KCC). Dat bart net samar. Dat bart op basis fan in dúdlike ôfwaging, wêrûnder:
- Foarkar fan de ynwenner: wannear't in ynwenner freget om kontakt mei in meiwurker.
- Kompleksiteit: wannear't de fraach kompleks is, ferwiist Gem nei in meiwurker. Tink oan fragen oer boufergunningen.
- Spesifyk tema: gemeenten bepale dat Gem by beskate tema's oan de ynwenner freget oft de fraach genôch beantwurde is, of dat help fan in meiwurker winsklik is. Gem kin dan trochferwize nei KCC-meiwurkers of nei it telefoannûmer fan in spesifike ôfdieling.
Waarme oerdracht tusken Gem en meiwurker
By in oerdracht soarget Gem derfoar dat de meiwurker ynsjoch hat yn it eardere petear mei Gem. De ynwenner hoecht syn fraach dan net op 'e nij te stellen. En de meiwurker kin de ynwenner rapper helpe. Dizze ‘waarme oerdracht’ liedt ta in soepele fuortsetting fan it kontakt mei de ynwenner.
It petear hoecht net op te hâlden nei kontakt mei in meiwurker: ynwenners kinne fia Gem fierder chatte oer oanfoljende fragen. Sa kin de tsjinstferliening fan de gemeente altyd trochgean.